==================================
သမိုင်းဝင် မြသိန်းတန်စေတီနှင့် တန်ခိုးကြီးဗုဒ္ဓနိမ္မိတရုပ်ပွားတော်ကား သရက်ခရိုင်၊ အောင်လံမြို့နယ်၏ တောင်ဘက် ၁၀မိုင်ကွာရှိ ဘွက်ကြီးတံတား၏ အနောက်မြောက် တစ်မိုင်ခန့်ကွာ ဧရာဝတီကမ်းဦးရှိ မြစ်နားရွာတွင် တည်ထားကိုးကွယ်ခဲ့သော ရှေးဟောင်းစေတီတစ်ဆူပင် ဖြစ်သည်။ဘုရားဒါယကာဦးမြသောင်း(သီတဂူ ရေလှူ ရှင်)၏ အကြိမ်ကြိမ် ဖိတ်ခေါ်သော်လည်း မရောက်ခဲ့။ ယနေ့ အောင်လံသို့ ကူးခဲ့ပြီး ဆိပ်ကမ်းမှ သူငယ်ချင်း ကိုလှကြိုင်က အရန်သင့်စောင့်ကြိုနေသဖြင့် ဧရာအရှေ့ ကားဂိတ်သို့ အပြေးနှင်ပြီး ဂိတ်မှူ းဦးသိန်းမောင်၏ နိဗ္ဗာန်ကူးတို့ဖြင့် နံနက်၇နာရီ ရန်ကုန်ထွက်မည့် ကားရှေ့ဘက်တွင် နေရာစီစဉ်ပေးမှုကြောင့် ဂိတ်မှူ းကြီးအား မေတ္တာပို့ရပြန်သည်။
မော်တော်ယာဉ်မှာ ဘွက်ကြီးတံတားမရောက်မီ နှစ်ဖာလုံခန့်တွင် ရပ်၍ ကားပေါ်မှဆင်းလိုက်စဉ် မြောက်လေနှင့်အတူ လွင့်မြူ းလာသည့် အသံချဲ့စက်မှ ပဌာန်းဒေသနာတော်များ ရွတ်ဖတ်ပူဇော်သံကြောင့် ကိုယ်စိတ်နှလုံး ရွှင်ပြုံ းချမ်းမြေ့သွားသည်။
ပြည်-အောင်လံလမ်းမကြီးမှ ၁၀မိနစ်ခန့် လျှောက်လျှင် မြသိန်းတန်စေတီသို့ ရောက်ရှိပေရာ ကျောင်းကန်ဇရပ်နှင့် မဏ္ဍပ်များ၌ ဘုရားဖူးတို့ဖြင့် ပြည့်နေတော့သည်။
ဘုရားဖူးများသလောက် အလှူ ဒါနပြုသူများလည်း ပေါများလှပေသည်။ ထိုနေ့က ဘုရားကုန်းတော်တွင် ဘုရားဒါယကာဦးမြသောင်း+ဒေါ်သန်းစိန် မိသားစု၏ ကထိန်သင်္ကန်းကပ်၊ မြေးများရှင်ပြု ၊ ရှင်ဥပဂုတ္တမထေရ်မြတ် ပူဇောပွဲတို့ဖြင့် စည်ကားလှပေသည်။
စာရေးသူတို့လည်း များပြားလှသည့် ဘုရားဖူးများအတွင်း ဘုရားဒါယကာဦးမြသောင်းအား ဧည့်ပရိသတ်များကို ရွှန်းရွှန်းဝေဧည့်ခံစကား ပြောနေသည်ကို မြင်ရ၏။ ထို တိုက်အတွင်းဝင်၍ ဘုရားဝတ်ပြု ပြီးနောက် ဦးမြသောင်းက မျှော်နေခိုက်ရောက်လာသဖြင့် မုန့်မျို းစုံဖြင့် ဧည့်ခံကျွေးမွေးပြီးနောက် ဘုရားရင်ပြင်တော်တွင် တည်ထားကိုးကွယ်ထားသော ရုပ်တုများအား လိုက်လံပြသသည်။
မင်းကြီးသည် စေတီအား ဖူးမြော်လို၍ ကြွမြန်းခဲ့ရာ လှမ်း၍မြင်ရပြီး ၎င်းနေရာတွင် ခေတ္တရပ်နားတော်မူသည်။ ထိုစေတီအား ``မြင်၍နား´´သောကြောင့် ``မြင်နား´´ ယခု ``မြစ်နားရွာ´´ဟုခေါ်ကြသည်။
တန်ခိုးကြီးဗုဒ္ဓနိမ္မိတရုပ်ပွားတော်
ထိုဗုဒ္ဓ၏ရုပ်ပွားတော်ကား မူလက ယခု မြသိန်းတန်စေတီ၏ အနောက်မြောက်ဘက်ရှိ တစ်ဝဂူစေတီအတွင်းတွင် ကိန်းဝပ်တော်မူခဲ့ပေသည်။
၁၃၄၂ခုနှစ်၊ တန်ခူးလဆန်း ၁၄ရက်နေ့တွင် ဘုရားစေတီအားလုံးကို ဂေါပကအဖွဲ့မှ ရေသပ္ပါယ်ကြသည်။ အလားတူ ထိုရုပ်ပွားတော်အား တစ်ဝဂူအတွင်းမှ အပြင်သို့ပင့်ဆောင်၍ ရေသပ္ပါယ်ပြီးနောက် ယာယီစံကျောင်းတွင် ကိန်းဝပ်စေ၍ ရွှေသင်္ကန်းကပ်ခြင်း၊ နေ့စဉ် ပန်း၊ ရေချမ်း၊ အမွှေးနံ့သာ၊ ဆီမီးတို့ဖြင့် မပြတ်ပူဇော်သည့်အပြင် အသံမစဲ မဟာပဌာန်းဒေသနာတော်မြတ်ကိုလည်း ရွတ်ဖတ်သရဇ္စျာယ်တော်မူ၍ ပူဇော်ခဲ့ပေသည်။
ထိုအချိန်တွင် တစ်ည၌ ဘုရားဒါယကာ ဦးမြသောင်း အိပ်ပျော်သွားစဉ် သူတော်စင်တစ်ပါးကြွလာပြီး ရုပ်ပွားတော်အား သီးခြားဂန္ဓကုဋိတိုက်ဆောက်၍ ကိန်းဝပ်တော်မူရန် စီစဉ်ဆောင်ရွက်ပါ၊ ဆက်လက်၍ သာသနာပြုပါဟု အိပ်မက်မက်ပါသည်။
များမကြာမီ ဆောက်လုပ်ရေးအင်ဂျင်နီယာ ဦးတင်ရွှေ+ဒေါ်ခင်သန်းနွဲ့တို့မိသားစု ဘုရားဖူးလာရင်း ဗုဒ္ဓရုပ်ပွားတော်က်ိန်းဝပ်ရန် ဂန္ဓကုဋိတိုက်အား ၎င်းတို့မိသားစုမှ ဆောက်လုပ်လှူ ဒါန်းမည့်အကြောင်းနှင့် ကုန်ကျစရိတ်အားလုံးကို လှူ ဒါန်းပူဇော်ခဲ့ပေသည်။
မြသိန်းတန်စေတီ၏ ပရဝဏ်အတွင်းတွင် ဆောက်လုပ်လှူ ဒါန်းမှု အစုစုတို့မှာ ကျပ်သိန်းပေါင်း ၄၀ကျော် ကုန်ကျခဲ့သော်လည်း မည်သည့်အရပ်ဒေသကိုမှ အလှူ ခံမသွားရဘဲ ဘုရားဖူးလာ သုတော်စင်များ၏ လှူ ဒါန်းမှုအစုစုတို့ကြောင့် အောင်လံမြို့နယ် မြစ်နားရွာ မြသိန်းတန်စေတီနှင့် ရုပ်ပွားတော်မြတ်တို့၏ ဘုန်းတန်ခိုးကြောင့်ပင် သာသနာအရောင် ထွန်းလင်းပြောက်လာခဲ့ခြင်း ဖြစ်ကြောင်း ဦးမြသောင်းက ရှင်းလင်းပြောပြပါသည်။
စာရေးသူအနေဖြင့် အလွန်ထူးခြား၍ တန်ခိုးကြီးမားသော ဗုဒ္ဓနိမ္မိတရုပ်ပွားတော်၏ သမိုင်းအား ဓမ္မဒါနအဖြစ် ဖတ်ကြားလေ့လာဖူးမြော်နိုင်ကြစေရန် ရည်ရွယ်၍ ဤဆောင်းပါးအား ရေးသားလိုက်ရခြင်း ဖြစ်ပါသည်။
အေးဝေ(သရက်)
No comments:
Post a Comment